Մեծ Բրիտանիայի հակաահաբեկչական ոստիկանությունը Լոնդոնի կենտրոնում ձերբակալել է 27-ամյա իրանա-բրիտանացու՝ RAF Fairford ռազմաբազայի մոտ տեղի ունեցած միջադեպի հետաքննության շրջանակում։
Ոստիկանության տվյալներով՝ տղամարդը ձերբակալվել է ահաբեկչական գործողությունների նախապատրաստման կասկածանքով։ Միաժամանակ 26-ամյա մեկ այլ՝ բրիտանացի տղամարդ հարցաքննվել է զգուշացման կարգով։
Միջադեպի առնչությամբ կիրակի օրը ձերբակալվել էին ևս հինգ տղամարդիկ՝ պայթուցիկ նյութերի հետ կապված իրավախախտումների և ահաբեկչության կասկածանքով։ Նրանք հետագայում ազատ են արձակվել գրավի դիմաց։
Ոստիկանությունը հայտնել է, որ հետաքննությունը «չափազանց բարդ» է, և ուսումնասիրվում են տարբեր վարկածներ, այդ թվում՝ հնարավոր օտարերկրյա պետության ներգրավվածությունը։ Ռազմաբազայի մոտ հայտնաբերված մեքենաներում պայթուցիկներ չեն հայտնաբերվել, սակայն ոստիկանությունը առգրավել է բենզին։
Մեծ Բրիտանիայի վարչապետ Էնդի Բերնհեմը հայտարարել էր, որ կան «ուժեղ ցուցումներ» Իրանի հնարավոր ներգրավվածության վերաբերյալ։ Իրանը հերքել է որևէ կապ միջադեպի հետ և այդ պնդումները որակել որպես «շինծու շահարկումներ»։
Միջադեպի առնչությամբ այս պահի դրությամբ որևէ մեղադրանք չի ներկայացվել։
.gif)
