Վենեսուելան իրականացնում է երկրում սովի վերացման ծրագիր։ Այս մասին հայտարարել է երկրի նախագահի պարտականությունները կատարող Դելսի Ռոդրիգեսը՝ Հռոմում ՄԱԿ-ի Սննդի և գյուղատնտեսության կազմակերպության 2026 թվականի ֆորումի լիագումար նիստում։
«Այս ամբիոնից ես ուզում եմ հայտարարել «Վենեսուելան կերակրում է» ծրագրի մեկնարկի մասին, որը միտված է սննդի արտադրության բոլոր գործընթացների ինտեգրմանը՝ սովի վերացման վերջնական նպատակին հասնելու համար», – ասել է Ռոդրիգեսը։
Նա նշել է, որ Վենեսուելան մասնակցում է ֆորումին այն խորը համոզմամբ, որ սնունդ ստանալու իրավունքը անմիջականորեն կապված է մարդկանց կյանքի, արժանապատվության և զարգացման հետ։
Ռոդրիգեսը ընդգծել է, որ քաղաքացիների այս իրավունքի ապահովումը պահանջում է ներառական և հետևողական պետական քաղաքականություն, ինչպես նաև ներդրումներ, ֆինանսավորում, գիտության, տեխնոլոգիաների, արդյունաբերական զարգացում և համագործակցություն։
.gif)
