Թուրքիայի արևմուտքում՝ Իզմիրի նահանգում, մետալուրգիական գործարանում տեղի ունեցած պայթյունի հետևանքով զոհերի թիվը հասել է 16-ի։ Այս մասին հայտնել է Թուրքիայի նախագահ Ռեջեփ Թայիփ Էրդողանը։
Նրա տվյալներով՝ ևս 13 մարդ վիրավորվել է, որոնցից երկուսի վիճակը գնահատվում է ծայրահեղ ծանր։
Թուրքական լրատվամիջոցների հաղորդմամբ՝ պայթյունը տեղի է ունեցել կեսօրին մոտ՝ Ալիաղա շրջանում գտնվող HABAŞ մետալուրգիական գործարանում պողպատի ձուլման աշխատանքների ժամանակ։
Պայթյունից հետո գործարանում հրդեհ է բռնկվել։
.gif)
