«Կոալիցիան քաղաքական եղբայրություն է»:

Այս խոսքերից այնպիսի տպավորություն է, որ Ռ.Զոհրաբյանը, սովորության համաձայն, կենաց է խմում: Նա մոռացել է, որ իր առջեւ ձայնագրիչ կա, իսկ ինքն էլ քյաբաբի սեղանի շուրջ չէ: Հայկական իրականության մեջ, ցավոք, քաղաքականությունն անգամ սրբագույն այս գաղափարը չի հանդուրժում. հիշե՛ք Սարոյան եղբայրների օրինակը: Այնպես որ, քաղաքական եղբայրություն գրեթե չի լինում: Քաղաքականության մեջ ազգուտակը հաշվի չի առնվում. կա միայն շահ: Եւ անգամ ամենավառ երեւակայության դեպքում իսկ դժվար է պատկերացնել, որ Ռազմիկ Զոհրաբյանը կարող է լինել, օրինակ, ԲՀԿ-ական Վահե Էնֆիաջյանի ավագ եղբայրը: