Հայաստան ժամանած ԵԽԽՎ համազեկուցողներ Աքսել Ֆիշերի ու Ալան Միլի հետ հանդիպման ժամանակ ՀԱԿ խմբակցությունը բարձրացրել է իրենց հուզող մի քանի հարցեր: Այս մասին նիստից հետո լրագրողների հետ զրույցում նշեց ՀԱԿ խմբակցության ղեկավար Լևոն Զուրաբյանը:
Առաջինը վերաբերում է 2008 թվականի Մարտի 1-ի իրադարձությունների բացահայտմանը, քանի որ, եթե ժամանակին ԵԽԽՎ-ն մեծ պատասխանատվությամբ մոտենար այդ իրադարձություններին, պատժվեին Մարտի 1-ի կազմակերպիչներն ու մեղավորները, Ուկրաինայի նախագահ Վիկտոր Յանուկովիչն իր քաղաքացիներին գնդակահարելու հրաման չէր տա:
Լևոն Զուրաբյանի խոսքով՝ ԵԽԽՎ-ն ու համազեկուցողները նորից անդրադառնում են Մարտի 1-ի իրադարձություններին իրենց հետևողական աշխատանքի արդյունքում, այսինքն՝ Զուրաբյանի ներկայացմամբ` լինելով ԵԽԽՎ հայաստանյան պատվիրակության անդամ, այդ կառույցում հետևողականորեն բարձրացրել է Մարտի 1-ի հարցը:
Նշենք նաև, որ ՀԱԿ խմբակցությունից առաջ ԵԽԽՎ համազեկուցողները ԱԺ-ում հանդիպել են «Ժառանգություն», ՀՅԴ և ՕԵԿ խմբակցությունների հետ:
.gif)
