Մայիս 6, 2012

armlur.am -ի թղթակիցը քիչ առաջ հայտնեց, որ Էրեբունի վարչական շրջանի 13/9 (120 միջ. դրպոց) ընտրատեղամասում անհատական մոտեցում են ցուցաբերում. ընտրողը քվեարկելուց հետո բջջայինով զանգահարում է ինչ որ մեկին եւ զեկուցում, որ ինքը կատարել է իր ընտրությունը , որից հետո, համապատասխան հրահանգ ստանալով, դուրս է գալիս ընտրատեղամսiց, բացահայտ կերպով ստանում ընտրակաշառքը եւ հեռանում:

Երևանի Մալաթիա-Սեբաստիա վարչական շրջանն ընդգրկող թիվ 7/25 տեղամասում մեծամասնական ընտրակարգով առաջադրված պատգամավորի թեկնածու Սամվել Ալեքսանյանի վստահված անձը գերազանցում է ԸՕ-ի 33-րդ հոդվածով սահմանված վստահված անձի իր լիազորությունները` կատարելով հանձնաժողովի անդամի գործառույթներ։ Ինչպես տեղեկանում ենք թիվ 7 ընտրատարածքում “Հայ ազգային կոնգրես” ընդդիմադիր դաշինքից առաջադրված թեկնածու Նիկոլ Փաշինյանի պաշտոնական կայքից, թիվ 7/25 տեղամասի հանձնաժողովի նախագահը չի վերահսկում …

Այսօր ոստիկանության Շենգավիթի բաժնում հաղորդում է ստացվել Ներքին Չարբախում ընտրակաշառք բաժանելու մասին: Ներքին Չարբախի երրորդ փողոցի բնակիչը տեղեկացրել է, որ իրենց թաղամասի ԲՀԿ շտաբի պետը “Բարգավաճ Հայաստան” կուսակցության օգտին քվեարկելու համար վերցրել է իր եւ իր կնոջ անձնագրային տվյալները, որի դիմաց առաջարկել է 20 հազար դրամ ընտրակաշառք, իսկ մեծամասնականով առաջարկվել է քվեարկել ԲՀԿ թեկնածու Լյովա …

Հանրապետության հրապարակում մայիսի 4-ին տեղի ունեցած միջադեպից տուժած երիտասարդները, որոնք տարբեր աստիճանի այրվածքներով դեռ գտնվում են հիվանդանոցներում, ԱԺ ընտրություններին մասնակցում են հենց բուժհաստատություններում: Առողջապահության նախարարի մամլո քարտուղար Շուշան Հունանյանն armlur.am-ին հայտնեց, որ նրանց, ինչպես և մյուս հիվանդների քվեարկությունը կազմակերպվել է շրջիկ քվեատուփերով: Քվեարկությունը շարունակվելու է մինչև ժամը 18:00-ն, որից հետո կամփոփվեն արդյունքները, և ԿԸՀ-ն կհրապարակի …

34/12 ընտրատեղամասում մարդկանց կուտակումներ, անկառավարելի վիճակ է ստեղծվել: Վիճակը հարթվել է միայն Կոնգրեսի վստահված անձի ջանքերով: Վերջինս արձանագրություն է կազմել: Աղբյուրը՝ Մուրադ Գրիգորյանի շտաբ 34/26 ընտրատեղամասում Կոնգրեսի վստահված անձը ահազանգել է “Կենտրոն” հեռուստաընկերության լրագրողի վրա հարձակման դեպքի մասին: Աղբյուրը՝ Մուրադ Գրիգորյանի շտաբ  Թիվ 33  ընտրատարածք Իկառուսներով եւ ավտոբուսով շրջել են ոստիկանական համազգեստով անձինք, որոնք քվեարկություն …

Երևանի Էրեբունի համայնքի 13/9 ընտրատեղամասում, որը տեղակայված է Ոստիկանության դիմաց գտնվող թիվ 120 միջնակարգ դպրոցում, ուշագնաց է եղել Հայ ազգային կոնգրեսի ներկայացուցիչ Հովհաննես Գրիգորյանը։ Շտապ օգնության աշխատակիցներն առաջին բուժօգնություն են ցուցաբերել Գրիգորյանին, որից հետո վստահված անձը տեղափոխվել է “Էրեբունի” բժշկական կենտրոն։ Ականատեսները վկայում են, որ վստահված անձի առողջական վիճակի կտրուկ վատանալը միջադեպի պատճառով չի տեղի …

Վանաձորի ընտրական տեղամասերում վաղ առավոտից  նկատվում է ակտիվություն: Որոշ ընտրատեղամասերում հերթեր են առաջանում: Տեղամասերի նախագահների խոսքով՝ մինչ այս պահը ոչ մի արտակարգ դեպք չի գրանցվել, սակայն, ինչպես եւ այլ համայնքներում, Վանաձորում դիտորդներն ու վստահված անձինք նույնպես անհանգստացած են կնիքի վաղաժամ ջնջման պատճառով:  30/37 ընտրատեղամասի “Բարգավաճ Հայաստան” կուսակցության վստահված անձ Գագիկ Սարգսյանը հավաստեց, որ ինքը առաջին …

Էրեբունի համայնքի որոշ ընտրատեղամասերում մարդկանց ընտրակաշառք են բաժանում: Ընտրատեղամասերից մեկի մոտ կանգնած կարմիր “Վազ 2107” մեքենայից մարդկանց առաջարկում են նստել մեքենան, որից հետո վճարում են գումարը եւ ուղարկում քվեարկության: Այս մասին հայտնում է armlur.am-ի թղթակիցը: 

Արմավիրի մարզի Էծմիածնի տարածաշրջանի Այգեշատ գյուղի մի բնակիչ armlur.am -ին տեղեկացրեց, որ իր անձնագրում նշված չէ իր բնակության գրանցման վայրը, սակայն իր անունն առկա է 19/25 ընտրատեղամասի ընտրողների ցուցակում: 

armlur.am-ի հավաստի աղբյուրների փոխանցմամբ՝ թիվ 13 ընտրատարածքում արաջադրված ՀՀԿ-ական թեկանածու Մհեր Սեդրակյանի համախոհները ընտրակաշառք են բաժանում: