Մարտ 20, 2013

Այսօր՝ մարտի 20-ին, ողբերգական դեպք է տեղի ունեցել Գեղարքունիքի մարզում: Ինչպես հայտնում է shamshyan .com-ը մարտի 16-ից Ոստիկանության Գեղարքունիքի մարզային վարչության Ոստիկանության Գավառի բաժնի, ՀՀ Արտակարգ իրավիճակների նախարարության փրկարար ծառայության Գեղարքունիքի մարզի փրկարար վարչության, ինչպես նաև Գավառի հրշեջ-փրկարական ջոկատի և Սևանի հատուկ ջրասուզակների և Նորատուս գյուղի բնակիչների որոնողական աշխատանքները շարունակվում էին Նորատուս գյուղի բնակիչ, Երևանի …

Ինչպես արդեն տեղեկացրել էինք, այսօր Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանում տեղի ունեցավ “X գրուպ” ընկերության սեփականատեր Խաչիկ Խաչատրյանի՝ “Ժողովուրդ” օրաթերթի եւ լրագրող Սոնա Գրիգորյանի դեմ ներկայացրած հայցի քննությունը: Օլիգարխ Խաչիկ Խաչատրյանի ներկայացրած հայցի քննությունն ընդդեմ “Ժողովուրդ” օրաթերթի հետաձգվեց: Դատական հաջորդ նիստը կկայանա ապրիլի 30-ին ժամը 16:30-ին: Մանրամասները՝ ներկայացվող տեսանյութերում:

Այսօր գարնանային գիշերահավասարի օրն է, երբ Արեգակը երկնքի հարավային կիսագնդից անցնում է հյուսիսային կիսագունդ, ինչն էլ աստղագիտական գարնան սկիզբն է: Գիտնականներն օրն անվանում են աստղագիտական գարնան սկիզբ, երբ Արեգակի կենտրոնն արևուղով հատում է երկնային հասարակածը:

ՀՀ ԱԻ նախարարությունը տեղեկացնում է, որ մարտի 20-ի ժամը 17.00-ի դրությամբ ՀՀ տարածքում բոլոր միջպետական և միջհամայնքային ավտոճանապարհները հիմնականում անցանելի են, տեղ-տեղ առկա է մերկասառույց: Դժվարանցանելի են Սելիմի լեռնանցքը, Աշոցքի և Ամասիայի միջհամայնքային ավտոճանապարհները: Վրաստանի ՆԳՆ ԱԻ դեպարտամենտից ստացված տեղեկատվության համաձայն`Ստեփանծմինդա-Լարս ավտոճանապարհը փակ է կցորդով բեռնատարների և 30-ից ավելնստատեղ ունեցող տրանսպորտային միջոցների համար: Մյուս տեսակի …

Ազգային ժողովի այսօրվա նիստում քվեարկության դրվեցին մի շարք օրենսդրական նախաձեռնություններ, որոնց ՀՀԿ-ական պատգամավորները քվեարկում էին իրենց բացակա գործընկերների փոխարեն: Լուրեր. com-ի տեսախցիկը ֆիքսել է, թե ինչպես է իր կուսակից ընկերոջ փոխարեն քվեարկում ՀՀԿ-ական Ալիկ Պետրոսյանը (ՄԱՊ-ի Ալիկ):

Սերժ Սարգսյանն այսօր շնորհավորական ուղերձ է հղել Իրանի Իսլամական Հանրապետության նախագահ Մահմուդ Ահմադինեժադին և Իրանի Իսլամական Հանրապետության հոգևոր առաջնորդ Սեյյեդ Ալի Խամենեին՝ իրանական ամանորի՝ Նովրուզի կապակցությամբ: Հանրապետության ղեկավարը հույս է հայտնել, որ Հայաստանի և Իրանի միջև արդյունավետ համագործակցությունը նոր տարում կշարունակի ծառայել երկու երկրների ժողովուրդների բարեկամության ավելի խորացմանը և տարածաշրջանի կայունության ամրապնդմանը:

Այսօր Թբիլիսիում ընթացող ազատ ոճի ըմբշամարտի Եվրոպայի առաջնության երկրորդ օրը գոտեմարտեցին Հայաստանի ներկայացուցիչներ Միհրան Ջաբուրյանը (55 կգ) և Նարեկ Սանոյանը (60 կգ): Միհրան Ջաբուրյանը սկսեց 1/8 եզրափակչից, որտեղ հաղթեց հունգարացի Բենց Ջունաշին: Սակայն արդեն քառորդ եզրափակչում հայ ըմբիշը զիջեց ռուս Արտյոմ Գեբեկովին: Վերջինս չկարողացավ հասնել եզրափակիչ, այդ պատճառով էլ Ջաբուրյանը չստացավ բրոնզե մեդալի համար պայքարելու …

Այսօր Բանգլադեշում կյանքի 85-րդ տարում մահացել է երկրի գործող նախագահ Զիլլուր Ռահման: Նա ղեկավարել է երկիրը 2009 թ-ի փետրվար ամսից: Նախագահի մահվան պատճառները դեռևս չեն հայտարարվում: Զիլլուր Ռահմանը ծնվել է 1929 թ մարտի 9-ին` փաստաբանի ընտանիքում: Կրթություն է ստացել Դաքքայի համալսարանում:   

Ազատության հրապարակում արդեն 11-րդ օրը հացադուլ հայտարարած Րաֆֆի Հովհաննիսյանին այսօր այցելեց իր մայրը՝ Վարդիթեր Կոճոլոզյան–Հովհաննիսյանը, ով ԱՄՆ-ից այսօր է ժամանել Հայաստան։  Նրան հրապարակում հավաքվածները դիմավորել են ծափահարություններով և հորդորել ուրախ լինել, և քանի որ Րաֆֆին հավաքվածների եղբայրն է, ուրեմն Վարդիթեր Կոճոլոզյան-Հովհաննիսյանը իրենց մայրն էլ է:

Այսօր՝ մարտի 20-ին, Հայաստանի Տավուշի մարզի Կայանավան բնակավայրի շրջանում Կարմիր խաչի Երևանի և Բաքվի գրասենյակների ներկայացուցիչների միջնորդությամբ Ադրբեջանը Հայաստանին է արտահանձնել ՀՀ 2 քաղաքացու՝ Տավուշի մարզի Դովեղ գյուղի բնակիչ Մնացական Քառյանին և նույն մարզի Այգեհովիտ գյուղի բնակիչ Անահիտ Առաքելյանին: Հիշեցնենք, որ քաղաքացիներն ապօրինաբար էին հատել հայ-ադրբեջանական սահմանը: