Մարտ 26, 2013

Mouawad շվեյցարական ապրանքանիշի ադամանդակուռ վզնոցը ճանաչվել է աշխարհում ամենաթանկը՝ իր տեսակի մեջ: Այն արժի 55 մլն ԱՄՆ դոլար:  Վզնոցը ոսկյա է՝ պատված 407,48 կարատ ադամանդով՝ 35-ը շրջանաձև, 27-ը տանձաձև, 9-ը սրտաձև, 5-ը՝ զմրուխտի ձևով հատված և այլն: Այս կերպ Mouawad-ը Գինեսի քառակի ռեկորդակիր է դառնում: 

Փարիզում գողացել են Ֆրանսիացի հայտնի դերասան Ժերար Դեպարդյեի   մոտոցիկլետը։ Աստղի տրանսպորտային միջոցն անհետացել է Փարիզի շրջաններից մեկի կայանատեղիից։ 2012-ի նոյեմբերին նա հենց այս մոտոցիկլետով էր վթարի ենթարկվել, որի ժամանակ ոստիկանությունը պարզել էր, որ դերասանը գերազանցել է արյան մեջ ալկոհոլի պարունակության թույլատրելի նորման։ Դեպարդյեին դատին ներկայանալու ծանուցագիր են հանձնել, որի առաջին լսումները կկայանան ապրիլի 5-ին։

Այսօր ժամը 12.57-ին ահազանգ է ստացվել, որ Արմավիրի մարզի Շենիկ գյուղի մոտակա դաշտում հայտնաբերվել է չպայթած արկ: Դեպքի վայր է մեկնել մարզային փրկարարական վարչության օպերատիվ խումբը: Նշված վայրում հիմա աշխատում են մասնագետները: Մանրամասներն` ավելի ուշ:

Անի Քոչարը բաց նամակով դիմել է ՀՀ ոստիկանության պետ Վլադիմիր Գասպարյանին, ԱԱԾ պետ Գորիկ Հակոբյանին, ՀՀ դատախազ Աղվան Հովսեփյանին, որում ասվում է. Ես՝ Անի Մանվելի Քոչարյանս, նույն ինքը՝ Անի Քոչարս, մեծ ցավով ու ափսոսանքով տեղեկացա դերասան Արսեն Առաքելյանի անժամանակ մահվան մասին: 31-ամյա երիտասարդի մահվան մասին բոթը ցնցեց նաև մեզ: Ի թիվս այլ լրատվամիջոցների Արսենի մահվանն …

Լեհաստանի Ազգային անվտանգության բյուրոյի ղեկավար Ստանիսլավ Կոզիեյի հրավերով Հայաստանի Ազգային անվտանգության խորհրդի քարտուղար Արթուր Բաղդասարյանի գլխավորած պատվիրակությունը մարտի 26-28-ը պաշտոնական այցով մեկնել է Լեհաստան: ԱԱԽ մամուլի ծառայությունից հայտնում են, որ Արթուր Բաղդասարյանը հանդիպումներ կունենա Լեհաստանի նախագահ Բրոնիսլավ Կոմորովսկիի, Լեհաստանի Սենատի նախագահ Բոգդան Բորուսեւիչի, Ազգային անվտանգության բյուրոյի ղեկավար Ստանիսլավ Կոզիեյի, Հայ-լեհական տնտեսական համագործակցության միջկառավարական հանձնաժողովի համանախագահ …

Էկվադորի ԱԳՆ-ի շենքում կոկաին են հայտնաբերել,- գրում է Росбалт-ը: Թմրանյութը գտել են ծառայողական շները: Համապատասխան քիմիական անալիզը ցույց է տվել, որ գտնվածը, իրոք, կոկաին է: Ոստիկանությունը հետաքննություն է սկսել:

Մարտի 25-ին, ժամը 18.10-ին, ոստիկանության ծառայողները,  կողոպուտ կատարելու կասկածանքով, ոստիկանության Բազումի բաժանմունք բերման են ենթարկել 24-ամյա  մի երիտասարդի: Ոստիկանության լրատվության վարչությունից հայտնում են, որ պարզվել է, որ նա նույն օրը, ժամը 12.00-ի սահմաններում, Վանաձորի Զորավար Անդրանիկի փողոցի թիվ 2 հասցեում գտնվող արհեստական լճի մոտ 20-ամյա մի աղջկանից բացահայտ հափշտակել է ոսկյա մատանի: Ձեռնարկվում են միջոցառումներ …

Այսօր՝ մարտի 26-ին, դժբախտ դեպք է տեղի ունեցել Երևանում: Ժամը 12:30-ի սահմաններում շտապ օգնության 1-03 ծառայության հերթապահ խումբը ահազանգել է Ոստիկանության կենտրոնականի բաժին, որ Եզնիկ Կողբացի 3/ա շենքի մոտ կնոջ դի կա: Նշված շենքը 11 հարկանի է:  Ինչպես հայտնում է ֆոտոլրագրող Գագիկ Շամշյանը, դեպքի վայր ժամանած ոստիկանության ծառայողները հայտնաբերել են նույն շենքի բնակիչ, 35-ամյա Լիլիթ …

Դերասան ԱՐԱ ԴԵՂՏՐԻԿՅԱՆԸ երկարատեւ դադարից հետո ընդունեց սերիալում նկարահանվելու առաջարկն ու ներկայացավ հեռուստադիտողին “Խաղից դուրս” սերիալում: Ո՞րն էր լռության պատճառն ու ինչո՞ւ որոշեց նկարահանվել. այս եւ այլ հարցերի շուրջ “Ժողովուրդ”-ը զրուցեց դերասանի հետ:  -Մոտ մեկ տարի չնկարահանվեցի, առաջարկներ կային, բայց չէի ուզում: Իսկ այս 25-մասանոց սերիալի առաջարկն ընդունեցի, քանի որ նմանատիպ ձեւաչափ եմ սիրում, այսպես …

Հարգելի քաղաքացիներ, Երևանի ավագանու ընտրությունների ընտրացուցակներում Ձեր և այլ անձանց տվյալները ստուգելու նպատակով 2013 թ. մարտի 26-ից կարող եք այցելել www .police .am և www .elections .am համացանցային կայքեր կամ տեղամասային կենտրոններ: Ընտրողների ցուցակում հայտնաբերված անճշտությունները վերացնելու համար մինչև 2013 թ. ապրիլի 30-ը կարող եք դիմում ներկայացնել Հայաստանի Հանրապետության ոստիկանության անձնագրային և վիզաների վարչություն կամ …