Օգոստոս 22, 2013

Հայաստանի տարածքում առաջիկա գիշերը եւ վաղ ցերեկը սպասվում է առանց տեղումների եղանակ: Քամին` հարավ-արեւմտյան 5-10 մ/վրկ: Օդի ջերմաստիճանը վաղվանից փոքր-ինչ կբարձրանա: “Հայպետհիդրոմետի” տվյալներով, Երեւանում սպասվում է առանց տեղումների եղանակ: Մայրաքաղաքում գիշերը սպասվում է+16+18, ցերեկը` +30+32 աստիճան:

Հայաստանի նախագահ Սերժ Սարգսյանը հրամանագիր է ստորագրել Վասիլի Ղազարյանին Ղազախստանի Հանրապետությունում եւ, համատեղության կարգով, Ղրղզստանի Հանրապետությունում եւ Աֆղանստանի Իսլամական Հանրապետությունում Հայաստանի Հանրապետության արտակարգ եւ լիազոր դեսպանի պարտականություններից ազատելու մասին: Հանրապետության նախագահի մեկ այլ հրամանագրով Արա Սահակյանը նշանակվել է Ղազախստանի Հանրապետությունում Հայաստանի Հանրապետության արտակարգ եւ լիազոր դեսպան (նստավայրը` Աստանա): Արա Սահակյանի կենսագրությունը. Ծնվել է 1955թ. հունվարի …

“Երևանյան Ամառ 2013” ծրագրի շրջանակում Երևանի Քաղաքապետարանի նախաձեռնությամբ օգոստոսի 24-ին, ժամը 14։00-ից Կարապի լճի շրջակայքում առաջին անգամ Երևանում իրականացվելու է “Ձմերուկային հրավառություն” ժամանցային միջոցառումը: Այս մասին տեղեկանում ենք Երևանի քաղաքապետարանի լրատվական ծառայության տարածած հաղորդագրությունից։   Միջոցառման ընթացքում նախատեսվում են խաղային տարատեսակ մրցույթներ, ճանաչված և սիրված մարդկանց կողմից ձմերուկի հյուրասիրություն, մասնագիտացված կազմակերպությունների կողմից ձմերուկի ձևավորման եղանակների …

Մեքսիկայի Գերերո նահանգում 6,1 մագնիտուդով երկրաշարժ է տեղի ունեցել, ինչի հետևանքով տուժել է 8 մարդ: Ստորգետնյա ցնցումներից հետո արձանագրվել է 8 հետցնցում: 438 շենք մասամբ քանդվել է, վնասվել է 44 դպրոց և 11 հիվանդանոց: Խափանվել է հաղորդակցությունը:

Օգոստոսի 22-ին “ՆԱՍԴԱՔ ՕԷՄԷՔՍ ԱՐՄԵՆԻԱ” ԲԲԸ-ում կայացել է 4,350,000 ԱՄՆ դոլարի առք եւ վաճառք` 406.31 դրամ մեկ ԱՄՆ դոլարի դիմաց միջին կշռված փոխարժեքով: Փակման գինը կազմել է 406.3 դրամ: 

ՀՀ ԱԻՆ մամուլի ծառայությունը տեղեկացնում է, որ օգոստոսի 22-ին՝ ժամը 14.55-ին, ահազանգ է ստացվել, որ Բաբաջանյան փողոցի թիվ 139 շենքի մոտակայքում օձ է նկատվել, որին որսալու համար անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Հրշեջ-փրկարարները հայտնաբերել են օձ և տեղափոխել անվտանգ տարածք: 

“System of a Down” խմբի մեներգիչ, ամերիկահայ աշխարհահռչակ երաժիշտ Սերժ Թանգյանը սեպտեմբերի 19-ին հանդես կգա Կիեւում, որտեղ, նախատեսված ծրագրի համաձայն, կհնչի նաեւ հայկական դուդուկը: Թանգյանը համերգի կազմակերպիչներից  պահանջել է, որ ամբողջ սնունդը՝ առանց բացառության, լինի բնական եւ փաթեթավորվի էկոլոգիապես մաքուր նյութերով:  Երաժիշտը հոգացել է նաեւ այն մասին, որ համերգից հետո չօգտագործված սնունդը փոխանցվի կարիքավորներին կամ …

Հայաստանի Հատուկ քննչական ծառայության վարույթում է քննվում քաղաքացի Արթուր Անդրեասյանի, ՀՀ ոստիկանության նախկին եւ գործող մի շարք պաշտոնատար անձանց, ինչպես նաեւ այլ քաղաքացիների կողմից ուրիշի առանձնապես խոշոր չափերով գույքը խարդախությամբ հափշտակելու, կազմակերպված խմբի կողմից բռնություն գործադրելու սպառնալիքով շորթում կատարելու, վաշխառությամբ զբաղվելու դեպքերի վերաբերյալ հարուցված քրեական գործը: ՀՔԾ մամուլի ծառայությունից հայտնում են, որ նախաքննությամբ պարզվել է, …

Հանրային քննարկումներ կազմակերպելու նպատակով Հայաստանի Հանրապետության ոստիկանության պաշտոնական կայքի “Օրենսդրություն” բաժնի “Նախագծեր” ենթաբաժնում տեղադրվել են “Մարդկանց թրաֆիքինգի կամ շահագործման ենթարկված անձանց նույնացման և աջակցության մասին”, “Վարչական իրավախախտումների վերաբերյալ Հայաստանի Հանրապետության օրենսգրքում լրացում կատարելու մասին” և “Օտարերկրացիների մասին Հայաստանի Հանրապետության օրենքում լրացումներ կատարելու մասինե ՀՀ օրենքների նախագծերը: ՀՀ ոստիկանությունը շահագրգիռ ֆիզիկական և իրավաբանական անձանց առաջարկում է …

Երևանի քաղաքապետարանի ենթակայության բոլոր հիմնական դպրոցներում արդեն բաշխվում են դասագրքերը, որոնք ՀՀ կրթության և գիտության նախարարությունը տրամադրում է դպրոցների տնօրենների՝ նախապես ներկայացրած հայտերում նշված քանակությամբ, ընդ որում՝ առաջինից չորրորդ դասարանների բոլոր դասագրքերը անվճար են, իսկ հինգից իններորդ դասարանների դասագրքերի համար ծնողները կարող են վճարել ուսումնական տարվա ընթացքում։ Դպրոցներին են բաշխվում նաև ուսումնաօժանդակ իրեր՝ աշխարհագրության ատլասներ, …