Մեծ զորավարի պատիվն ու փառքն անարգելու ավելի անպատկառ ձև դժվար թե գտնվեր: Pepsi ընկերությունն ուղիղ Վարդան Մամիկոնյանի արձանի տակ է խցկել այս այլակերպ կրպակն՝ անցորդներին առաջարկելով մեկ շիշ ըմպելիքով ներկայանալու դեպքում անվճար օգտվել ինչ-որ ատրակցիոն խաղերից:
Արձանին հարակից հրապարակն ընդարձակ է, օրվա գրեթե բոլոր ժամերին մարդաշատ, հեռվից տեսանելի ու հաստատ այնպես չէ, որ առաջինը Pepsi ընկերությունն է հայտնագործել, որ այտեղ նույնպես կարելի է բիզնես ծավալել: Պարզապես մյուսները նման անբարո իրավունք իրենց չեն վերապահել:
Երևանի քաղաքապետարանի տեղեկատվության և հասարակայնության հետ կապերի բաժնի պետ Արթուր Գևորգյանը նշեց, թե Pepsi ընկերությանը կարճ ժամանակով են այդպիսի արտոնություն տվել և հավաստիացրեց, թե օգոստոսի 30-ից հետո այն այլև չի լինի:
Գևորգյանը մանրամասնեց, թե հենց ընկերությունն է նման առաջարկով իրենց դիմել և քաղաքապետարանը համաձայնվել է միայն այն պատճառով, որ այդտեղ ամն ինչ անճար է արվում: Պարզվում է՝ Pepsi ընկերությունը նույնիսկ ցանկացել է այդ տաղավարը տեղադրել Օպերայի շենքին հարող տարածքում, սակայն արդեն այս հարցում քաղաքապետարանը նրանց մերժել է:
.gif)
