«Ճիշտ ժամանակն է, որ Հանրային խորհուրդն օրենքի հիման վրա գործի»:

Եթե չլինեին խորհրդարանական ընտրությունները, դժվար թե Խոսրով Մելիքիչի տեսակետներում շրջադարձ արձանագրվեր: Հանրապետականացվելուց հետո երկրի թիվ մեկ քրիստոնեա-դեմոկրատը սկսել է հիմնովին վերանայել մոտեցումները եւ նույնիսկ իր կողմից շատ սիրված Հանրային խորհրդի գործունեությունն է արմատապես քննադատում: Ու ստացվում է, որ ի սկզբանե հասարակության կողմից անհաճո ընդունելության արժանացած Հանրային խորհուրդը, որի անդամ է նաեւ ինքը, մինչեւ հիմա գործել է ապօրինի դաշտում: Բայց այդ խնդիրը լուծելու եւ սխալը շտկելու համար ճիշտ ժամանակ գոյություն չունի, քանի որ ինչքան շուտ, այնքան լավ: