Կոլումբիայի Լիբանո քաղաքի փոքրիկ բնակչուհին 10 ամսական հասակում կշռում է 20 կգ: Նման քաշ են փոքրիկներն ունենում սովորաբար 5 տարեկան հասակում: Փոքրիկը սկսել է քաշ հավաքել ծնվելուց մի քանի շաբաթ անց:
Ինչպես հայտնում է Mirror-ը, բժիշկները չեն կարողանում երեխայի հիվանդության հստակ ախտորոշումը տալ:
Վարկածներից մեկի համաձայն` փոքրիկ Խուանիտա Վալենտինայի` այսքան վաղ ճարպակալումը ժառանգական հիվանդություն է: Ծնվելու պահին աղջնակը 2.7 կգ է կշռել, սակայն դրանից հետո սկսել է գիրանալ, իսկ նրա գործազուրկ մայրը չի կարողանում վճարել երեխայի բուժման համար անհրաժեշտ ծախսերը:
Բժիշկները մտավախություն ունեն, որ եթե մոտ ժամանակում փոքրիկի ճարպակալման պատճառները չհայտնաբերվեն, նրա մոտ սրտի արատ ու շաքարախտ կսկսվի:
.gif)
