Հայաստանում 2013թ. առաջին եռամսյակում հանցագործությունների թիվն աճել է:
Նշված ժամանակահատվածում գրանցվել է 4322 հանցագործություն` նախորդ տարվա նույն ժամանակահատվածի 3968-ի դիմաց:
2013թ. առաջին եռամսյակում գրանցվել է ոչ մեծ ծանրության 2171 հանցագործություն` նախորդ տարվա 2032-ի դիմաց: Միջին ծանրության հանցագործություններն աճել են ընդամենը 4-ով` 1374 դեպք` նախորդ տարվա 1370-ի դիմաց:
Շեշտակի աճել են ծանր հանցագործությունների դեպքերը` 746 հանցագործություն 2013-ին` նախորդ տարվա 526-ի դիմաց: Առավել ծանր հանցագործությունների դեպքերով նվազում է արձանագրվել` 31 դեպք` նախորդ տարվա 40-ի դիմաց:
Արձանագրվել է հրազենի կիրառմամբ 19 հանցագործություն` նախորդ տարվա 23-ի դիմաց:
Երեւանում հաշվետու ժամանակահատվածում գրանցվել է 2280` 2012-ի 2103 դեպքերի դիմաց:
.gif)
