Քիչ առաջ Ֆորում իրավունքի կենտրոնի նախագահ Տիգրան Տեր-Եսայանը ArmLur.am-ին հայտնեց, որ ՀՀ պաշտպանության նախարարի նախկին տեղակալ Վահան Շիրխանյանին ԱԱԾ քննչական վարչությունը մեղադրանք է առաջադրել ՀՀ քրեական օրենսգրքի 223-րդ հոդվածի 2-րդ մասով (հանցավոր համագործակցությանը մասնակցելը):
Մեր զրուցակիցը հայտնեց, որ Վ. Շիրխանյանը չի ընդունում իրեն առաջադրված մեղադրանքը:
Նա հայտնեց նաև, որ քիչ անց դատարանը կքննի կալանքի մասին միջնորդությունը:
Հիշեցնենք, որ Վահան Շիրխանյանը դեկտեմբերի 19-ին ձերբակալվել է Արթուր Վարդանյանի կողմից ստեղծված հանցավոր համագործակցությանը մասնակցելու, դրա օգտին գործելու, կոնկրետ հանձնառություն և դերակատարություն ունենալու կասկածանքով:
.gif)
