«Բատկիվշինա» կուսակցության պատգամավոր Նադեժդա Սավչենկոն, ով երեկ ազատ արձակվեց, կզբաղվի Ուկրաինայի ազգային անվտանգության հարցերով, փոխանցում է «112 Ուկրաինա»-ն:
Այս մասին հայտարարել է կուսակցության պատգամավոր Իվան Կրուլկոն:
«Սավչենկոն նախագահի ադմինիստրացիայում հանդիպումից հետո հանդիպել է «Բատկիվշինա» կուսակցության անդամների հետ: Նադեժդան թիմային խաղացող է, և այսօչ նա դա հաստատեց: Նա կաշխատի խորհրդարանում»,-ասել է պատգամավորը:
Նրա խոսքով՝ մայիսի 31-ին Սավչենկոյին սպասում են Գերագույն ռադայում:
Հիշեցնենք, որ երեկ Դոնբասում ռուս լրագրողների սպանության մեջ մեղադրվող ուկրաինացի օդաչու Նադեժդա Սավչենկոն ազատ արձակվեց: Նրան փոխանակեցին ՌԴ քաղաքացիներ Ալեքսանդրովի և Երոֆեևի հետ:
.gif)
