Դոմինիկյան Հանրապետությունում խոշոր շնաձուկը զբոսաշրջիկների զոհ է դարձել: Զբոսաշրջիկները շնաձկանը ափ են դուրս բերել ֆոտոսեսիայի համար, որի ընթացքում էլ շնաձուկը սատկել է, փոխանցում է Daily Мail-ը:
Դեպքը տեղի է ունեցել զբոսաշրջիկների շրջանում հայտնի Hard Rock Hotel & Casino հյուրանոցի մոտակայքում: Տղամարդկանց մի խումբ, որոնց թվում նաև հյուրանոցի աշխատակիցները, մտել են ջուրը, որպեսզի դուրս բերեն շնաձկանը: Ականատեսները նկարահանել են զանգվածային որսն ու տեղադրել սոցցանցում:
Անշնչացած կենդանի դեռ մի քանի րոպե ագոնիա է ապրում, որից հետո սատկում է: Իսկ ուրախ հանգստացողները խմբակային լուսանկարներ են անում սպանված կենդանու ֆոնին:
Հյուրանոցում խոստացել են լուծել կենդանու հետ դաժան վարված աշխատակիցների հարցը:
.gif)
