ArmLur.am-ն արդեն հայտնել է, որ այսօր Նկարիչների միության շենքում գտնվող հյուրանոցում հայտնաբերվել է Ռոբերտ Հարությունյանի դին`գլխի շրջանում հրազենային վիրավորումով: Վերջինս ՀՀ ազգային անվտանգության ծառայության տնօրենի նախկին տեղակալ Ռոմիկ Հարությունյանի եղբայրն է:
ArmLur.am-ին դեպքի վայրում որոշ մանրամասներ հայտնի դարձան: Այսպես, մեր թղթակցին հյուրանոցի աշխատակիցները փոխանցեցին, որ կրակոցի ձայն, աղմուկ չեն լսել, իսկ դին, ըստ նախնական տեղեկությունների, հայտնաբերել է կամ նախորդ անվտանգության աշխատակիցը, կամ հենց եղբայրը` ԱԱԾ պետի նախկին տեղակալ Ռոմիկ Հարությունյանը:
Ըստ աշխատակիցներից մեկի`այս պահին հյուրանոցում բոլորը խոսում են հնարավոր վարկածների մասին: Հիմնականը ինքնասպանության վարկածն է:
Մեր զրուցակիցների փոխանցմամբ` տղամարդը երկար ժամանակ հյուրանոցում էր բնակվում, վարձակալության հիմունքներով երկարատև բնակության համար սենյակ էր վերցրել: Այնտեղ միայնակ էր մնում:
Ի դեպ, Ռ, Հարությունյանի ձեռքին հայտնաբերվել է «GLOCK 19» MAY289 տիպի ատրճանակ:
Թե ինչ է իրականում տեղի ունեցել, դեռեւս դժվար է հստակ ասել, սակայն կատարվածն իսկապես առեղծված է:
.gif)
