Հանրապետության բոլոր մարզերում օդի ջերմաստիճանը բարձրացել է 5-7 աստիճանով

ՀՀ ԱԻՆ «Հիդրոմետ» ծառայության օդերևութաբանության կենտրոնի պետի տեղակալ Գագիկ Սուրենյանը սոցցանցի իր էջում գրառում է կատարել.

«Այսօր լուսադեմին հարավային տաք օդային հոսանքների ներթափանցումը հանրապետության տարածք սկսվել է: Օդի ջերմաստիճանը այսօր` ժամը 10:00-ին հանրապետության բոլոր մարզերում երեկվա նույն ժամի համեմատ, բարձրացել է 5-7 աստիճանով: Օրինակ Երևանում եթե երեկ 10:00-ին -17…-18 աստիճան էր, ապա այսօր 10:00-ին դրությամբ -10…-12 աստիճան է»: