ՀՀ արտակարգ իրավիճակների նախարարության «911» ծառայությունը նոյեմբերի 6-ին, ժամը 11:29-ին տեղեկություն է ստացել, որ Տավուշի մարզի Արծվաբերդ գյուղի «Քոլագիր» կոչվող հանդամասում այրվում է խոտածածկ տարածք:
Դեպքի վայր են մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի օպերատիվ խումբը և քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի Տավուշի հատուկ օբյեկտների պահպանության Չինարիի, Մովսեսի, Ներքին Կարմիր Աղբյուրի, Այգեպարի, Չորաթանի հենակետերի մեկական մարտական հաշվարկներ:
Պարզվել է, որ «Քոլագիր» կոչվող հանդամասում այրվում է անտառածածկ տարածք:
Հրդեհաշիջման աշխատանքներին մասնակցում է 56 փրկարար ծառայող և «Հայանտառ» ՊՈԱԿ-ի «Արծվաբերդի անտառտնտեսություն» մասնաճյուղի 21 աշխատակից:
.gif)
