Լուսանկարը` համացանցից
Խանութի աշխատակիցները չիփսի գովազդի յուրօրինակ տարբերակ են ընտրել։
ՀԱՐՑ. Ես ուզում եմ իմանալ` զինվորական ծառայողները գույքահարկի պարտավորության զեղչերից օգտվելու հնարավորություն ունեն, թե ոչ:
Ռիմա Հակոբյան (48 տարեկան, տնային տնտեսուհի)
ՊԱՏԱՍԽԱՆ. Ռ. Հակոբյանի հարցին ի պատասխան` հայտնում ենք, որ «Գույքահարկի մասին» Հայաստանի Հանրապետության օրենքի 15-րդ հոդվածի դրույթներով` ծառայության ընթացքում գույքահարկից ազատվում են ՀՀ միջազգային պայմանագրերով դաշնակից երկրների, ինչպես նաեւ ՀՀ զինված ուժերում եւ այլ զորքերում պարտադիր ժամկետային զինվորական ծառայության մեջ գտնվող անձինք:
Պարտադիր ժամկետային ծառայության ժամկետի ավարտից հետո գույքահարկից ազատվում են նաեւ ՀՀ զինված ուժերում եւ այլ զորքերում ծառայություն անցած, ռազմաուսումնական հաստատություններն ավարտած անձինք:
ՀՀ պետական եկամուտների կոմիտե
«ԺՈՂՈՎՈՒՐԴ». Տեղեկացնենք, որ ֆիզիկական անձինք տարեկան տեխնիկական զննության ենթակա փոխադրամիջոցների համար գույքահարկի գծով հարկային պարտավորություններն ամբողջությամբ կատարում են մինչեւ փոխադրամիջոցների` տվյալ տարվա տեխնիկական զննության ներկայացնելը:
ՀԱՐՑ. Ո՞ր աշխատողները հնարավորություն չունեն օգտվել սոցիալական փաթեթի ծառայություններից:
Սուսաննա Մարտիրոսյան (58 տարեկան, դաստիարակ)
ՊԱՏԱՍԽԱՆ. Քաղաքացու հարցին ի պատասխան` տեղեկացնում ենք, որ սոցիալական փաթեթը չի տարածվում տվյալ մարմնում սոցիալական փաթեթի շահառուի վերջին վեց ամսվանից պակաս աշխատանքային ստաժ ունեցող անձանց (բացառությամբ հղիության եւ ծննդաբերության նպատակային արձակուրդից մինչեւ երեք տարեկան երեխայի խնամքի համար տրամադրվող նպատակային արձակուրդից, կադրերի ռեզերվից, պարտադիր ժամկետային զինվորական ծառայությունից վերադարձած անձանց: Թվարկված անձանց վերջին վեց ամսվա աշխատանքային ստաժը հաշվարկվում է առանց նշված ժամանակահատվածի: Զինծառայողների դեպքում մեկ զորամասից մեկ այլ զորամաս տեղափոխվելը չի դիտարկվում մեկ այլ մարմնի տեղափոխություն, սակայն այդպես է դիտարկվում հանրապետական գործադիր մարմնի փոփոխությունը (օրինակ` Հայաստանի Հանրապետության զինված ուժերի կազմից Հայաստանի Հանրապետության կառավարությանն առընթեր Հայաստանի Հանրապետության ոստիկանության կազմ տեղափոխվելը)), կես դրույքից պակաս դրույք (նորմալ աշխատաժամանակի 50 տոկոսից պակաս աշխատաժամանակ) ունեցող անձանց, հղիության եւ ծննդաբերության, ինչպես նաեւ մինչեւ երեք տարեկան երեխայի խնամքի համար տրամադրվող նպատակային արձակուրդում գտնվող անձանց, «Հանրային ծառայության մասին» Հայաստանի Հանրապետության օրենքի իմաստով բարձրաստիճան պաշտոնատար անձանց վրա:
Կենսաթոշակային համակարգի իրազեկման կենտրոն
«ԺՈՂՈՎՈՒՐԴ». Նշենք, որ սոցիալական փաթեթը ներառում է առողջապահական փաթեթ (բժշկական օգնության եւ սպասարկման կազմակերպում ու ֆինանսավորում), հիփոթեքային վարկի ամսական վճարի մարում, ուսման վճար` ԿԳՆ կողմից հաստատված ուսումնական ծրագրերով, հանգստի ապահովում ՀՀ-ում եւ ԼՂՀ-ում:
.gif)
