Ապրիլի 29-ին Գեղարքունիքի մարզի Սարուխան գյուղի մի բնակիչ ոստիկանության Գավառի բաժին հաղորդում էր տվել, որ եղբոր տնից գողություն են արել։
Օպերատիվ խումբը մեկնել էր Սարուխան։ Պարզվել էր՝ ապրիլի 25-ից 29-ն ընկած ժամանակահատվածում, օգտվելով տանտիրոջ բացակայությունից, տեխնիկական միջոցների գործադրմամբ բացել էին պատուհանը և գողացել հեռուստացույց:
Գողությունը կատարած անձին և գողոնը հայտնաբերելու ուղղությամբ հետախուզական միջոցառումներ սկսվեցին։ Բացահայտման աշխատանքներին միացան նաև քրեական ոստիկանության գլխավոր և Գեղարքունիքի մարզային վարչությունների ծառայողները։ Համատեղ աշխատանքի արդյունքում տեղեկություններ ստացվեցին, որ գողությունը կատարել է Գավառ քաղաքի 20-ամյա մի բնակիչ։ Բացատրական աշխատանքի շնորհիվ մայիսի 18-ին կասկածվողը ներկայացավ ոստիկանության Գավառի բաժին, ապա ներկայացվեց Գեղարքունիքի մարզային քննչական վարչություն։
Երիտասարդը տվել է խոստովանական ցուցմունք:
Ձեռնարկվում են միջոցառումներ՝ գողոնը հայտնաբերելու ուղղությամբ:
Հարուցվել է քրեական գործ։
.gif)
