ՏԵՍԱՆՅՈՒԹ. Հայաստանում տավարի ու գառան մսի գինը բարձրացել է

Հայաստանում տավարի ու գառան մսի գինը բարձրացել է: «Ժողովուրդ» օրաթերթը տղեկեցավ, որ տավարի մսի գինը մեկ ամսվա ընթացքում բարձրացել է 2.1 տոկոսով, իսկ գառան միսը թանկացել է 1.3 տոկոսով: Հայաստանի վիճակագրական կոմիտեն խոզի մսի շուկայում եւս այս տարվա մայիսին նախորդ տարվա նույն ժամանակահատվածի նկատմամբ արձանագրել է 10.8 տոկոս գնաճ:

«Ժողովուրդ» օրաթերթը տեղեկացավ, որ նույն ժամանակահատվածում թանկացել է նաեւ ալյուրը՝ 13.5 տոկոսով, բրնձը՝ 15.8, իսկ լոբին՝ 5.1 տոկոսով: Ձուն է էժանացել. մեկ ամսվա ընթացքում ձվի գինը նվազել է 18.1 տոկոսով: Շաքարավազի շուկայում եթե այս տարվա մայիսին նախորդ տարվա մայիսի համեմատ արձանագրվել է 8.6 տոկոս գնաճ, ապա ապրիլի համեմատ այն էժանացելէ 3 տոկոսով:

Բացի այս թանկացել է նաև հացը՝ 0.2 տոկոսով, կաթնաշոռը՝ 1 տոկոսով: Ի դեպ, պանրի շուկայում եւս գնաճ է արձանագրվել 1.4 տոկոսով: Մակարոնեղենն էլ թանկացել է 0.6 տոկոսով: Բանջարեղենի շուկայում այս մայիսին նախորդ տարվա համեմատ արձանագրվել է 51.3 տոկոս գնաճ, իսկ միրգը՝ թանկացել է 0.4 տոկոսով:

Մանրամասները՝ տեսանյութում

Ս.Հ.