Այս օրերին ապաստարանների ու թաքստոցների թեման դարձյալ արդիական է դարձել: Ավելին, ՀՀ արտակարգ իրավիճակների նախարարի և փրկարար ծառայության տնօրենի հանձնարարականներով ԱԻՆ փրկարար ծառայության հրշեջ-փրկարարական ջոկատներից կազմված խումբը համայնքապետարանների աշխատակիցների ուղեկցությամբ պարբերաբար իրականացնում են բազմաբնակարան շենքերի, մասնավոր տների և նկուղների ուսումնասիրություն:
ArmLur.am-ը այսօր եւս շրջայց իրականացրեց Երեւանի կենտրոնում եւ պարզեց, որ բազմաբնակարան շենքերի մեծ մասը նկուղներ չունեն, որոնք կարող են որպես թաքստոց ծառայել: Երեւանի բնակելի շենքերի նկուղները հիմնականում հարմարեցված չեն վտանգի ժամանակ այդ տեղերում ապրելու ու գոյատեւելու համար: Նկուղների մեծ մասում առնետներ են, դե իսկ կենցաղային ու սանիտարահիգիենիկ պայմանների մասին խոսելն անգամ ավելորդ է: Բացի այս, բնակիչներից հետաքրքվեցինք՝ իրազեկե՞լ են իրենց, թե արտակարգ դրության ժամանակ որտեղ են պատսպարվելու, թե՞ ոչ:
Ս. Հ., Հ. Հ.
.gif)
