Ռուսաստանից գազը կվերադառնա ԵՄ, ինչը մեծ ներդրում կլինի և կօգնի կայունացնել գները:
Ինչպես «Արմենպրես»-ը տեղեկանում է «ՌԻԱ Նովոստի»-ից, այս մասին հայտարարել է Կատարի էներգետիկայի պետական նախարար Սաադ ալ-Քաաբին ԱՄԷ-ում Ատլանտյան խորհրդի էներգետիկ ֆորումի իր ելույթում:
«Ռուսական գազը կվերադառնա Եվրոպա, երբ Ռուսաստանին և ԵՄ-ին հաջողվի ինչ-որ կերպ կարգավորել իրավիճակը: Թեև երկրները կդիվերսիֆիկացնեն ածխաջրածինների իրենց աղբյուրները, կդադարեն 100 կամ 80%-ով հույսը դնել Ռուսաստանի վրա, բայց Ռուսաստանից գազը կվերադառնա ԵՄ, ինչը մեծ ներդրում կլինի գազի ոլորտի և ամբողջ եվրոպական շուկայի համար, ինչպես նաև կօգնի կայունացնել գները»,- ասել է նախարարը:
Ալ-Քաաբիի խոսքով՝ գազի հավելյալ ծավալները շուկա չեն մտնի մինչև 2027 թվականը, ուստի գալիք տարիները կարող են հեշտ չլինել եվրոպական երկրների համար։
.gif)
