Գերմանիայի արտաքին գործերի նախարարը չի բացառել Իսրայելի դեմ ԵՄ նոր պատժամիջոցների կիրառումը

Գերմանիայի արտաքին գործերի նախարար Յոհան Վադեֆուլը չի ​​բացառել, որ ԵՄ-ն նոր պատժամիջոցներ կկիրառի Իսրայելի դեմ՝ Իսրայելի ազգային անվտանգության նախարար Իտամար Բեն-Գվիրի՝ Գազայում օրական 30-40 խաղաղ բնակչի թիրախավորելու կոչից հետո։

«Արմենպրես»-ի փոխանցմամբ՝  այս մասին տեղեկացնում է Neue Berliner Redaktionsgesellschaft մեդիա խումբը։

«ԵՄ-ն արդեն պատժամիջոցներ է կիրառել իսրայելական բնակավայրերի կազմակերպությունների դեմ։ Մենք աջակցում ենք նրանց»,-ասել է գերմանացի նախարարը Neue Berliner Redaktionsgesellschaft մեդիա խմբի հետ հարցազրույցում։