Ֆրանսիայի ԱԳՆ-ն Երասխի միջադեպի մասով հայտարարություն է տարածել

Ֆրանսիան իր մտահոգությունն է հայտնել վերջին 48 ժամվա ընթացքում հայ-ադրբեջանական սահմանի մի քանի կետերում, այդ թվում՝ Երասխում, քաղաքացիական անձնակազմի գնդակոծության հետևանքով տեղի ունեցած զինված միջադեպերի կապակցությամբ։ Այս մասին հայտարարություն է տարածել Ֆրանսիայի ԱԳՆ-ն։

Երկրի արտաքին գործերի նախարարությունը զսպվածության, դեէսկալացիայի և քաղաքացիական բնակչության պաշտպանության կոչ է անում։ Հաղորդագրության մեջ նշվում է նաև, թե իրենք վերահաստատում են իրենց աջակցությունը Միջազգային դատարանի՝ 2023 թվականի փետրվարի 22-ի որոշման ամբողջական կատարմանը՝ միջանցքով երթևեկությունը վերականգնելու վերաբերյալ և հայտնում՝ հանրապետությունը լիովին մոբիլիզացված է տարածաշրջանում խաղաղություն վերականգնելու համար։