Եվրահանձնաժողովը հայտարարել է, որ գազի և նավթի պակաս չի տեսնում

ԵՄ-ն ներկայումս գազի և նավթի պակաս չի կանխատեսում, բայց պատրաստ է ձեռնարկել բոլոր միջոցները, այդ թվում՝ ճգնաժամային պահուստների դուրս բերումը, հայտարարել է Եվրահանձնաժողովի հատուկ ներկայացուցիչ Աննա-Կայսա Իտկոնենը։

«Մենք դեռևս չենք տեսնում ԵՄ երկրներում գազի և նավթի որևէ պակաս, բայց հաշվի առնելով աշխարհաքաղաքական իրավիճակը՝ մենք պատրաստ ենք ձեռնարկել ցանկացած անհրաժեշտ միջոցառում, այդ թվում՝ Միջազգային էներգետիկ գործակալության առաջարկությունները ճգնաժամային պաշարների օգտագործման վերաբերյալ», – ասել է նա Բրյուսելում կայացած ճեպազրույցի ժամանակ։