Armlur.am-ի թղթակիցը տեղեկացնում է, որ այս պահին կառավարության դիմաց են հավաքվել Գեղարքունիքի Հացառատ գյուղի բնակիչները: Նրանք Հովիկ Աբրահամյանից պահանջում են իրենց գյուղն առանձնացնել Գավառ քաղաքից, քանի որ լուրջ խնդիրների հետ են բախվել. օրինակ՝ երեխաները նույն դպրոցն են հաճախում, որը շատ ծանրաբեռնված է գործում:
Բացի այդ, դպրոցը գյուղից բավականին հեռու է գտնվում, ու հատկապես ձմռանը երեխաները դպրոց հասնելու համար բազմաթիվ խնդիրների առաջ են կանգնում: Նրանց պնդմամբ, պետության կողմից իրենց տրամադրվելիք հացահատիկի սերմացուն իրենց շատ ավելի ուշ է հասնում: Այս և նմանատիպ այլ խնդիրներ են պատճառ դարձել, որպեսզի նման պահանջով հավաքվեն կառավարության շենքի դիմաց:
.gif)
