Մեկ միլիոն երեխա օգնություն է խնդրել վստահության հեռախոսով

Ռուսաստանում գնալով ավելի շատ երեխաներ են դիմում օգնության վստահության հեռախոսահամարների միջոցով:

Մեկ տարվա ընթացքում ծառայություններն ավելի քան մեկ միլիոն նման զանգեր են ստանում:

Ինչպես նշել է ՌԴ աշխատանքի և սոցիալական ապահովության փոխնախարար Ալեքսեյ Պուդովը, վստահության մանկական հեռախոսակապերը հնարավորություն են տալիս պաշտպանել երեխայի իրավունքները, կանխարգելել երեխաների հետ դաժան վերաբերմունքի դեպքերը, ինչպես նաև՝ պայքարել երեխաների մոտ ինքնասպանությանը մղող տրամադրությունների հետ: Մնչդեռ Ռուսաստանում դեռ ոչ բոլորը գիտեն, որ նման հեռախոսակապ գոյություն ունի. տեղեկացնում է Интерфакс-ը:

Մայիսի 17-ին ողջ աշխարհում նշվում է վստահության մանկական հեռախոսների միջազգային օրը: Նման տոն սահմանելու առաջարկով հանդես էր եկել Child Helpline International կազմակերպությունը: