Հայտնի երգչուհի Ջուսը armlur.am-ի հետ զրույցում անդրադառնալով իր գործընկերոջ Շուշան Պետրոսյանի` լրագրողների հասցեին հնչեցված «դուք անբարոյական եք» արտահայտությանը, ինչպես նաև երգչուհու այն վրդովմունքին, թե հարցազրույցների տակ գրված մեկնաբանություններով վիրավորում են իրեն, ասաց, որ մեկնաբանություններ գրում են բոլոր երգչուհիների կամ քաղաքական գործիչների հոդվածների տակ:
Երգչուհու խոսքով` մեկնաբանությունները որևէ կապ չունեն լրագրողների հետ, այլ բան է, որ որևէ լրագրող կարող է վատ հոդված գրել հայտնի մարդկանց մասին, բայց բոլորի հասցեին նման հայտարարություն անել՝ ճիշտ չէ:
«Կարծում եմ` պետք է կոնկրետ խոսել և ոչ թե ընդհանուր հայտարարություն անել: Լրագրողները եթե վատ բան չեն գրել, (այլ վատ բաներ են գրել միայն օգտատերերը)՝ նրանք մեկնաբանությունների հետ կապ չունեն: Բայց հոդվածների տակ գրված վատ մեկնաբանությունները պետք է հանվեն»,- եզրափակեց Ջուսը:
Սոնա Դավթյան
.gif)
