Այսօր Եռաբլուր փառքի պանթեոնում վերջին հրաժեշտը տվեցին «Մեծն Տիգրան» աշխարհազորի կազմակերպության ղեկավար, պետեկամուտների կոմիտեի նախկին նախագահ, ՀՀ Ազգային ժողովի նախկին պատգամավոր, «Հանրապետություն» կուսակցության քաղխորհրդի անդամ Սմբատ Այվազյանին:
Ազատամարտիկին ու նախկին պաշտոնյային հրաժեշտ տալու էին եկել նրա ընտանիքի անդամները, հարազատները, բարձրաստիճան նախկին ու ներկա պաշտոնյաները` ՀՀ առաջին նախագահ Լևոն Տեր-Պետրոսյանը, Էկոնոմիկայի նախարար Կարեն Ճշմարիտյանը, ՀՀ ֆինանսների նախարարի տեղակալ Արմեն Ալավերդյանը, Սմբատ Այվազյանի մարտական ընկերները:
Սմբատ Այվազյանը հանգիստ, հավասարակշռված, սկզբունքային անձնավորություն էր, պատրաստ էր ցանկացած հարց լուծել խաղաղ ճանապարհով` հիշում է ՀԱԿ խմբակցության քարտուղար Արամ Մանուկյանը:
Սմբատ Այվազյանի մարտական ընկերներն էլ հպարտանում են. Արցախյան հերոսամարտի տարիներին իրենց ընկերը պատգամավորական գործունեության փոխարեն նախընտրեց մարտի դաշտը:
Սմբատ Այվազյան ազատամարտիկը, նախկին պաշտոնյան, լավ ընկերն ու ընտանիքի լավ հայրը միշտ վառ կմնան բոլորի սրտերում ու հիշողություններում:
Սոնա Դավթյան, Աշոտ Գաբրիելյան, Տիգրան Սարգսյան
.gif)
