Հունվարի 8-ին, ժամը 13.17-ին ահազանգ է ստացվել, որ Լեռնանիստ գյուղի ճանապարհին «Օպել» մակնիշի 31UU376 պ/հ ավտոմեքենան դուրս է եկել ճանապարհի երթևեկելի հատվածից և կախվել տնամերձ հողատարածքի վրա (մոտ 2 մ). անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Հրշեջ փրկարարները ճանապարհի երթևեկելի հատված են դուրս բերել Օ. Ա.-ի ավտոմեքենան:
***
Հունվարի 8-ին, ժամը 12.52-ին ահազանգ է ստավել, որ Արագածոտնի մարզի Երնջատափ գյուղի մոտակայքում «Նիսսան» մակնիշի ավտոմեքենան արգելափակվել է ձնակույտի մեջ. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Հրշեջ-փրկարարները արգելափակումից դուրս են բերել Բ. Ա.-ի «Նիսսան» մակնիշի 34 VD 999 պ/հ և Կ. Պ.-ի «ՎԱԶ-2121» մակնիշի 79 VA 998 պ/հ ավտոմեքենաները:
***
Հունվարի 8-ին, ժամը 08.17-ին ահազանգ է ստացվել, որ Սոթք-Քարվաճառ ավտոճանապարհին «ՈւԱԶ» մակնիշի ավտոմեքենան մերկասառույցի պատճառով սահել, դուրս է եկել ավտոճանապարհի երթևեկելի հատվածից և արգելափակվել ձնակույտի մեջ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Հրշեջ-փրկարարներն արգելափակումից դուրս են բերել Զ. Ա.-ի «ՈւԱԶ» մակնիշի 02 SU 564 ավտոմեքենան:
.gif)
