ԲՀԿ առաջնորդ Գագիկ Ծառուկյանի հրավիրած ոչ իշխանական ուժերի խորհրդաժողովն այս պահին դեռ շարունակվում է: Սակայն ԲՀԿ առաջնորդը ներկա չէ:
Նա խորհրդաժողովի կեսից լքեց դահլիճը: Գ. Ծառուկյանի մամուլի խոսնակ Իվետա Տոնոյանը, ի պատասխան այն հարցի, թե ուր է Գագիկ Ծառուկյանը, պատասխանեց, թե գնացել է կարևոր հանդիպման, որը պլանավորված չէր:
Իվետա Տոնոյանն ասաց, որ խորհրդաժողովի վերջում, հավանաբար, Գագիկ Ծառուկյանը կհասցնի գալ:
Նշենք, որ Գագիկ Ծառուկյանը մինչ այդ լրագրողների բազմաթիվ հարցեր թողել էր անպատասխան՝ ասելով, որ հավաքի վերջում կխոսի:
Իսկ լրագրողներից մեկի հարցին՝ բայց Դուք լինելո՞ւ եք հավաքի վերջում, Գագիկ Ծառուկյանը չի պատասխանել:
.gif)
