Արարատի մարզի Արտաշատ քաղաքի Օգոստոսի 23 փողոցի թիվ 6 շենքի` պահածոների գործարանի մոտակայքում տեղի է ունեցել ճանապարհատրանսպորտային պատահար, կան տուժածներ: Այս մասին ահազանգը Արտակարգ իրավիճակների նախարարությունը ստացել է հոկտոմբերի 4-ին, ժամը 22.39-ին: Ինչպես armlur .am-ին հայտնեցին ԱԻՆ-ից, անհրաժեշտ է փրկարարների օգնությունը: Դեպքի վայր են մեկնել մարզային փրկարարական վարչության փրկարար ջոկատը եւ մեկ մարտական հաշվարկ: Դեռեւս չպարզված հանգամանքներում “Վազ֊ 2109” մակնիշի 22 SS 543 պետհամարանիշով (վարորդ` Արայիկ Մելքոնյան մոտ 40տ.) ավտոմեքենան շրջվել է, ինչից Ա. Մելքոնյանը տեղում զոհվել է, իսկ ուղեւոր` 64-ամյա Հրաչ Դավթյանը, մինչ փրկարարների կանչի վայր հասնելը, տարբեր աստիճանի մարմնական վնասվածքներով տեղափոխվել է Արտաշատ քաղաքի բժշկական կենտրոն, մյուս ուղեւորին` 24-ամյա Արման Գասպարյանին փրկարարները պատգարակով մոտեցրել են շտապօգնության բրիգադին, ով հոսպիտալացվել է Երեւան քաղաքի “էրեբունի” բժշկական կենտրոն:
.gif)
