Առաջիկա օրերին հնարավոր է կարճատև անձրև և ամպրոպ

ՀՀ ԱԻՆ հիդրոօդերևութաբանության և մոնիտորինգի պետական ծառայությունից տեղեկանում ենք, որ հանրապետության տարածքում ապրիլի 30-ին, մայիսի 2-ին, 4-ին` երեկոյան ժամերին,  շրջանների զգալի մասում, 1-ին, 3-ին հյուսիսային շրջաններում սպասվում են կարճատև անձրև և ամպրոպ, հնարավոր է կարկուտ, ամպրոպի ժամանակ սպասվում է քամու ուժգնացում` 15-20 մ/վրկ արագությամբ:

Քամին՝ հարավ-արևմտյան՝ 5-10 մ/վրկ:

Օդի ջերմաստիճանը 30-1-ին կբարձրանա 2-3 աստիճանով, 2-ի ցերեկը նույնքան կնվազի:

Երևանում՝ 

Ապրիլի 30-ին, մայիսի 2-ին, 4-ին` երեկոյան ժամերին, հնարավոր է կարճատև անձրև և ամպրոպ, ամպրոպի ժամանակ սպասվում է քամու ուժգնացում` 15-20 մ/վրկ. արագությամբ: Մայիսի 1-ին, 3-ին սպասվում է առանց տեղումների եղանակ: