Թուրքիայում մայրը կտրել է իր աղջիկների կոկորդը

Թուրքիայի Քոջաելի նահանգում 36-ամյա կինը կտրել է հարազատ 2 երեխաների կոկորդը եւ վերջում ինքնասպան եղել` դանակն իր սիրտը մխրճելով: Նա մտել է երեխաների սենյակ եւ քնած վիճակում գտնվող 11-ամյա աղջկա կոկորդը կտրել: Այդ ժամանակ հարեւան սենյակում գտնվող մյուս աղջիկը, լսելով քրոջ բղավոցը, վազել է սենյակ, սակայն մայրն անմիջապես նրա վրա է հարձակվել եւ նրա կոկորդն էլ կտրել: Ծանր վիրավորված աղջիկներին հաջողվել է դուրս գալ սենյակից եւ օգնություն կանչել: Այդ ընթացքում մայրը դանակն իր սիրտն է մխրճել եւ ինքնասպան եղել: