Հուլիսի 3-5-ը Հայաստանի հանրապետական կուսակցության Երիտասարդական կազմակերպության ներկայացուցիչները մասնակցեցին Աղվերանում անցկացված <<Լիդերների ակադեմիա Հայաստանում>> ծրագրին, որը կազմակերպել էր Կոնրադ Ադենաուեր հիմնադրամը (ԿԱՀ)՝ Հոլանդիայի քաղաքական հիմնադրամների և կուսակցությունների հետ համատեղ(Հոլանդական ազատական կուսակցություն (ՀԱԿ), Մաքս վան դեր Շտոլ հիմնադրամ(ՄՇՀ) և Էդուարդո Ֆրայ հիմնադրամ(ԷՖՀ)):
Ծրագրի շրջանակներում նախատեսված էին սեմինարներ խորհրդարանում ներկայացված բոլոր կուսակցությունների երիտասարդ լիդերների համար:
Այն մեկնարկեց փորձագետների բացման խոսքով, այնուհետև սեմինարի անցկացման և կարծիքների փոխանակման կանոնների ներկայացմամբ:
Ծրագիրը բաղկացած էր 4 հիմնական մասերից: Առաջին մասում խոսվեց անհատի արժեքներից և երիտասարդների գործազրկության թեմայով ընթերցվեցին զեկույցներ, որոնք ներկայացնում էին խնդիրը քրիստոնեադեմոկրատական գաղափարախոսության, սոցիալիզմի և լիբերալիզմի տեսանկյուններից: 2-րդ մասում երիտասարդները ծանոթացան դերակատարների ներգրավվածության և ռազմավարական պլանի SWOT վերլուծությանը, ուժեղ և թույլ կողմերի վերհանման հմտություններին և դրան համապատասխան ունեցան գործնական աշխատանք:
Ծրագրի 3-րդ մասում ռազմավարությունից անցում կատարվեց դեպի հաղորդակցման ուղերձները, ներկայացվեցին ուղերձների ձևակերպման և հանրայնացման տեսական և գործնական նրբությունները: Եզրափակիչ 4-րդ մասում երիտասարդները ծանոթացան արդյունավետ հաղորդակցության կանոններին, բաժանվեցին խմբերի և 1 րոպեանոց հոլովակի դիտումից հետո գործնական աշխատանք կատարեցին:
Ծրագրի ավարտին ամփոփվեցին սեմինարի արդյունքները, հնչեցին եզրակացությունները և գնահատումներ իրականացվեցին ծրագրի բովանդակային և կազմակերպչական կողմերի վերաբերյալ:
.gif)
