ԼՈՒՐԵՐ

ԱՄՈՒՍՆԱՑԱՎ
Ապրիլի 17-ին ամուսնացան հաղորդավարուհի Կարինա Դանիելյանն ու ֆուտբոլիստ Տիգրան Վարդանյանը: Հարսանիքը հայկական ավանդույթներով չէր, խնջույքն էլ ոչ թե մեծ ռեստորանում էր, այլ Golden Tulip Hotel Yerevan-ի ձմեռային դահլիճում: Հարսանեկան արարողությանը հրավիրվել էին միայն շատ մոտ ընկերներն ու հարազատները:

ՆՈՐՈՒԹՅՈՒՆ ՈՒՆԻ
Երգչուհի Անչոկը տեւական ժամանակ ոչ մի նորություն չէր ներկայացնում: Սակայն դա ամենեւին էլ չէր նշանակում, որ Անչոկը հրաժարվել է երգարվեստից. նա աշխատում էր «Շանսոն» ակումբում, պարզապես հեռուստադիտողին եւ ունկնդրին ոչ մի նոր աշխատանք չէր ներկայացնում: Սակայն օրերս համացանցում հայտնվեց Անչոկի «Ներել» մեղեդային երգը, որի հեղինակը նրա մոտ ընկերուհի, երգահան Նարի Հարությունյանն է:

ՓԱՌԱՏՈՆԸ ՄԵԿՆԱՐԿԵՑ
Ապրիլի 17-28-ը Նյու Յորքում (ԱՄՆ) մեկնարկել է Tribeca Film Festival-ը, որը մեծ իրադարձություն է Նյու Յորքի կինոաշխարհում: Քաղաքում մշակութային կյանքը վերականգնելու նպատակով փառատոն կազմակերպելու գաղափարը պատկանում է դերասան Ռոբերտ դե Նիրոյին, Ջեյն Ռոզենտալին եւ Քրեյգ Հաթքոֆին: Հենց նրանք են 2012-ին հիմնել Tribeca կինոփառատոնը: Փառատոնի բացմանը մասնակցել են Քրիստոֆեր Ուոքենը, Վուփի Գոլդբերգը, Սիենա Միլերը, Կարոլինա Կուրկովան եւ շատ այլ հայտնի դեմքեր: