Կատալոնական «Բարսելոնա»-ի հարձակվող Նեյմարն ակումբի հետ պայմանավորվել է պայմանագրի երկարաձգման շուրջ: Sport.es-ը հայտնում է, որ մի քանի ամիս հետո բրազիլացին նոր պայմանագիր կարող է ստորագրել: Ամիսներ տևած բանակցություններից հետո կողմերը պայմանագրի պայմանների շուրջ վերջապես համաձայնության են հասել:
Լրատվամիջոցը հայտնում է, որ որ կատալոնական ակումբը զգալիորեն բարելավել է պայմանները: Նոր պայմանագրով 24-ամյա ֆուտբոլիստը Լիոնել Մեսսիից հետո կդառնա թիմի 2-րդ ամենաբարձր վարձատրվող ֆուտբոլիստը: Ներկայում Նեյմարը «Բարսելոնայի» ամենաբարձր վարձատրվող ֆուտբոլիստներից թվում 7-րդն է:
.gif)
