Բանգլադեշի ափերի մոտ Ռուսաստանի քաղաքացիներով ինքնաթիռ է կործանվել. օդաչուներից մեկը զոհվել է

Բանգլադեշի ափերի մոտ ԱՆ-26 տրանսպորտային ինքնաթիռ է կործանվել: Նախնական տեղեկությունների համաձայն` ինքնաթիռում Ռուսաստանի 4 քաղաքացի է եղել: Այս մասին փոխանցում է ՏԱՍՍ-ը՝ հղում անելով bdnews24-ին:

Դեռևս անհայտ պատճառով ինքնաթիռը կորցրել է բարձրությունն ու ընկել ծովը:

Ինքնաթիռի կործանման հետևանքով զոհվել է օդաչուներից մեկը, մյուս օդաչուին ծանր վնասվածքներով տեղափոխել են հիվանդանոց: Ինչպես գրում են տեղական ԶԼՄ-ները, կործանված ինքնաթիռը պատկանում էր True Aviation ավիաընկերությանը: Վթարի վայրում որոնողափրկարարական աշխատանքներ են տարվում:

Թարգմանիչ՝ Քրիստինե Պողոսյան