Դատապարտյալներին ուղեկցող ոստիկանի մոտից թմրամիջոց է հայտնաբերվել

Հայաստանի հատուկ քննչական ծառայությունում 27.06.2013 թվականին վարույթ է ընդունվել, նույն օրը ՀՀ ԱՆ ,Նուբարաշենե ՔԿՀ-ում ՀՀ ՔՕ-ի 266-րդ հոդվածի 2-րդ մասի 2-րդ, 3-րդ կետերով, 34-268 հոդվածի 2-րդ մասով հարուցված քրեական գործը ՀՀ ոստիկանության Երեւան քաղաքի վարչության ուղեկցող Գումարտակի ոստիկանի մոտից թմրամիջոցներ հայտնաբերելու դեպքի առթիվ:

Նախաքննությամբ պարզված տվյալների համաձայն, ոստիկանը 2013 թվականի հունիսի 12-ին թմրանյութ փոխադրելու կասկածանքով անձնական խուզարկության է ենթարկվել: Վերջինիցս հայտնաբերվել եւ առգրավվել են բջջային հեռախոսներ եւ լիցքավորիչներ: Հայտնաբերված հեռախոսներից մեկի միջից հայտաբերվել են “Բուպրենորֆին” տեսակի թմրամիջոց պարունակող դեղահատեր, իսկ լիցքավորիչից` “Մարիխուանա” տեսակի թմրամիջոց: Նախաքննությունը շարունակվում է: