Ինչպես տեղեկացնում են իտալական մի շարք լրատվամիջողներ, ՊՍԺ-ի բրազիլացի հարձակվող Նեյմարը մոտ է Թուրինի «Յուվենտուս» տեղափոխվելուն: Ֆրանսիայի չեմպիոնն արդեն մերժել է նաեւ Մադրիդի «Ռեալի» առաջարկը:
«Արքայական» ակումբը պատրաստ է եղել բրազիլացու համար վճարել 100մլն եվրո + ՊՍԺ-ին տրամադրել թիմի 3 ֆուտբոլիստի` Կեյլոր Նավասին, Խամես Ռոդրիգեսին եւ Գարեթ Բեյլին: Այս առաջարկը մերժվել է փարիզցիների կողմից:
ՊՍԺ-ն նաեւ ընդհանուր հայտարարի չի եկել «Բարսելոնայի» հետ, եւ այս պահին Նեյմարով հետաքրքրվող ակումբներից միայն Թուրինի «Յուվենտուս»-ն է, որ առաջարկ չի կատարել: Սակայն թուրինցիները այժմ պատրաստվում են 100մլն եվրո + Պաուլո Դիբալային տալ փարիզյան թիմին Նեյմարի փոխարեն:
Նշվում է, որ թուրինցիները փորձում են նաեւ ՊՍԺ-ի հետ իրականացնել Պյանիչ-Վերատի, Ջան-Դի Մարիա ֆուտբոլիստների փոխանակությունները, սակայն այժմ առաջնային են համարում Նեյմարի տրանսֆերը:
Էդմոն Մարտիրոսյան
.gif)
