ԿՈՒԲԱՆԻ ՏՐԱԿՏՈՐ

Հայ-ռուսական միջմարզային առաջին համաժողովի շրջանակում Հայաստան ժամանած ռուս հյուրերը մարզեր են այցելում տեղերում իրավիճակին ծանոթանալու, իրենց ծառայություններն առաջարկելու եւ համագործակցելու նպատակով: Օրինակ` Կրասնոդարի երկրամասի Կուբանի ագրոարդյունաբերական կոմպլեքսի ներկայացուցիչները մեկնել են Տավուշի մարզ` իրենց հետ տանելով նախանձ շարժող շքեղ բուկլետներ: Դրանցում պատկերված ցորենի` հեկտարներով ձգվող արտերը հերկող ժամանակակից տրակտորները դեռեւս երազանք են մեր փոքրիկ հողակտորների վրա «դռդռացող»  ամենաքիչը 40 «տարեկան», հին ու մաշված գյուղտեխնիկայի ֆոնին: