Շենգավիթ վարչական շրջանի ընդհանուր իրավասության դատարանում, դատավոր Դավիթ Բալայանի նախագահությամբ, մեկնարկեց ծննդկան Մերի Մարգարյանի մահվան գործով դատավարությունը:
Հիշեցնենք` սույն գործով որպես մեղադրյալ են ներգրավվել մանկաբարձ-գինեկոլոգներ Շուշանիկ Բախշյանը և Անի Բաբելյանը:
Նշենք, որ դատավարությանը ներկա էր նաև պատգամավոր Նաիրա Կարապետյանը: Դատական նիստը հետաձգվեց, քանի որ նոր պաշտպան էր ներգրավվել՝ Գեղամ Հակոբյանը: Պաշտպանը ցանկություն հայտնեց ծանոթանալ գործի նյութերին: Նա խնդրեց մեկ ամիս ժամանակ տրամադրել, սակայն դատավորն առարկեց՝ ասելով, որ գործին ներգրավված է մեկ այլ պաշտպան ևս՝ Կարեն Սարդարյանը, հետևաբար ողջամիտ չէ մեկ ամիս ժամանակ խնդրելը: Այդուհանդերձ դատական հաջորդ նիստը նշանակվեց հուլիսի 22-ին:
Ինչ վերաբերում է մյուս պաշտպանի բացակայությանը, ապա նրա պաշտպանյալ Բաբելյանը դժվարացավ ասել՝ ինչու նա չի ներկայացել: Նախագահողն այս հանգամանքն անհարգալից վերաբերմունք համարեց:
.gif)
