ՏԵՍԱՆՅՈՒԹ. ինչպես է Էրդողանը հրահանգում հարձակվել խաղաղ ցուցարարների վրա

ՏԵՍԱՆՅՈՒԹ. ինչպես է Էրդողանը հրահանգում հարձակվել խաղաղ ցուցարարների վրա

Համացանցում նոր տեսանյութ է հայտնվել, որում երևում է, թե ինչպես է Թուրքիայի նախագահ Ռեջեփ Թայիփ Էրդողանը հեռվից դիտում, թե ինչպես են իր անվտանգության աշխատակիցները Վաշինգտոնում հարձակվում խաղաղ ցուցարարների վրա: Տեսանյութում երևում է նաև, որ Էրդողանը, ըստ ամենայնի, հրահանգում է իր թիկնապահներին հարձակվել ցուցարարների վրա, և հարձակումից մի քանի րոպե անց դուրս է գալիս ավտոմեքենայից։

Հետևի պլանում երևում է, թե ինչպես են Էրդողանի թիկնապահները հարվածում ցուցարարներին: Տեսանյութը YouTube-ում հրապարակել է «Ամերիկայի ձայն»-ի թուրքական ծառայությունը:

Հիշեցնենք, որ Միացյալ Նահանգներում Թուրքիայի դեսպանի նստավայրի մոտակայքում Թուրքիայի նախագահ Ռեջեփ Թայիփ Էրդողանի ԱՄՆ այցի դեմ բողոքող խաղաղ ցուցարարների խումբը հարձակման էր ենթարկվել էրդողանամետ խմբերի կողմից։ The Washington Post-ի հաղորդմամբ՝ տեղի ունեցած բախումների հետևանքով ինը մարդ էր վիրավորվել: