Աշխարհում կորոնավիրուսով վարակվածների թիվը մոտ 4 միլիոն 543 հազար է, զոհվել է ավելի քան 307 հազար մարդ:
Վարակակիրների և մահվան ցուցանիշներով առաջատարը կրկին Ամերիկայի Միացյալ Նահանգներն է։ Այստեղ վարակվածների թիվը հասել է 1 միլիոն 440 հազարի, զոհվել է շուրջ 87 հազար մարդ:
Երկրորդ տեղում ՌԴ-ն է՝ 272 հազար վարակակիր,
Երրորդ տեղում Մեծ Բրիտանիան է՝ 238 հազար։ Այս երկիրը մահացության ցուցանիշով երկրորդ տեղում է՝ կորոնավիրուսը երկրում խլել է ավելի քան 34 հազար մարդու կյանք:
Հայաստանում անցած մեկ օրում կորոնավիրուսի դեպքերի թիվն աճել է 239-ով՝ հասնելով 4 հազար 283-ի, գրանցվել է մահվան ևս երեք դեպք, հաղորդում է Առողջապահության նախարարությունը:
Գերատեսչության հաղորդագրության համաձայն՝ հիվանդությունից բուժվածների թիվն ավելացել է 125-ով և հասել 1791-ի:
Ըստ նույն աղբյուրի՝ իրականացված թեստավորումների ընդհանուր թիվը 39005 է:
Մահվան դեպքերի վերաբերյալ Առողջապահության նախարարությունը հայտնում է, որ պացիենտները եղել են 71 և 60 տարեկան տղամարդիկ և 46 տարեկան կին, նրանք ունեցել են ուղեկցող խրոնիկական հիվանդություններ:
.gif)
