Սան Ֆրանցիսկոյի դաշնային դատարանը քննության է վերցրել Facebook-ի դեմ հայցը՝ Instagram-ի օգտատերերին լրտեսելու հարցով, հաղորդում է Bloomberg-ը:
Ըստ գործակալության տվյալների՝ դատական գործընթացը վերաբերում է iPhone-ի դիմային տեսախցիկների չարտոնված օգտագործմանը, երբ սեփականատերը չի օգտագործում գաջեթը: Բացի այդ, այնտեղ ասվում է, որ հավելվածը դիտավորյալ հավաքում է օգտատերերի անձնական տվյալները՝ դրանք շուկայի ուսումնասիրության համար օգտագործելու նպատակով:
Ընկերությունը պնդում է, որ տեսախցիկի գործարկումը հավելվածի ծրագրային սխալն է եղել, որն արդեն շտկվել է:
Ավելի վաղ Facebook-ին մեղադրել են Instagram-ի օգտատերերի շրջանում դեմքի ճանաչման տեխնոլոգիան օգտագործելու մեջ:
.gif)
