ՖՈՏՈ. Խոշոր ավտովթար Սյունիքի մարզում․ բեռնատարը հայտնվել է ձորում․ կա վիրավոր

Shamshyan.com-ի հաղորդմամբ՝ Սյունիքի մարզում այսօր՝ հունվարի 1-ին, ժամը 14։40-ի սահմաններում Իրանի Իսլամական Հանրապետության քաղաքացի Դավուդ Հեյդարինը, դեռեւս անհայտ հանգամանքներում, իր վարած Scania մակնիշի բեռնատար ավտոմեքենայով Գորիս-Կապան ավտոճանապարհի Որոտանի հատվածում դուրս է եկել ճանապարհի երթեւեկելի գոտուց, սահել մոտ 50 մետր դեպի ձորը, ինչի հետեւանքով կցորդիչը պոկվել է ավտոմեքենայից եւ մոտ 300 մետր գլորվել, իսկ ավտոմեքենայի խցիկը կողաշրջվել է։

Մինչ ԱԻՆ փրկարարների ժամանումը, վիրավորին ավտոմեքեանայից դուրս են բերել քաղաքացիները։