Փետրվարի 26-ին Կարեն Դեմիրճյանի անվան մարզահամերգային համալիրում առաջին անգամ տեղի ունեցավ ինտերակտիվ ցուցադրություն համեմված նորաձեւության էլէմենտներով:
Ցուցադրությանը ներկա էր նաեւ ArmLur.am-ը:
«H20» խորագրով ցուցադրության հեղինակը դիզայներ Kivera Naynomis հանրահայտ բրենդի հեղինակ Արեւիկ Սիմոնյանն է: Գաղափարի հիմքում ոչ թե հագուստի ցուցադրությունն էր, այլ հայկական մշակույթի պահպանման կարեւորության շեշտադրումը, իսկ ոգեշնչման աղբյուր են հանդիսացել ազգային զարդանախշերը, որոնք ներկայացված են ժամանակակից համադրությամբ:
Դիզայները Մարզահամերգային համալիրի դահլիճը բաժանել էր 8 սրահների: Յուրաքանչյուրը ներկայացված էր մի խորագրի ներքո՝ «Երկինք», «Ծնունդ», «Մկրտություն», «Օրհնություն», «Մեղսագործություն», «Ցավ», «Կորուստ», «Դատարկություն»: Պատկերավորության շնորհիվ հանդիսատեսը, մուտք գործելով սենյակներ, միանգամից ընկալում էր, թե որ սրահում է:
Արեւիկ Սիմոնյանի խոսքով՝ նման ցուցադրություն անցկացնելու միտքն առաջացել է հետպատերազմական շրջանում:
Ցուցահանդեսի յուրօրինակության մասին իր տեսակետը հայտնեց նաեւ ցուցադրության համակազմակերպիչ, «Արունիկ» ֆոնդի հիմնադիր Արուսյակ Ստեփանյանը:
Մանրամասները՝ ArmLur.am-ի տեսանյութում:
Լիդա Եղիազարյան, Հովսեփ Հովսեփյան
.gif)
