Դավիթաշենի թաղապետի տեղակալի վրա կրակած անձի ինքնությունը հայտնի է. նրան դեռ փնտրում են

ArmLur.am-ին հայտնի դարձավ, որ իրավապահները, ըստ ամենայնի, հետախուզում կհայտարարեն Դավիթաշենի թաղապետի տեղակալի վրա կրակած անձի նկատմամբ։ Դեպքից անցել է երկու օր եւ ենթադրյալ հանցագործին չեն գտել։

Հիշեցնենք, որ մայիսի 20-ին, կրակոցներ են հնչել Երևանում։ Ժամը 9։20-ի սահմաններում ՀՀ Ներքին գործերի նախարարության Ոստիկանության Մաշտոցի բաժին ահազանգ է ստացվել, որ Բաշինջաղյան 166 տան դիմաց կրակոցներ են հնչել։

Գ․ Շամշյանի տեղեկություններով՝ դեպքի վայրից 1 հոգի հրազենային վնասվածքներով տեղափոխվել է «Արմենիա» բժշկական կենտրոն։

Վիրավորը Դավիթաշեն վարչական շրջանի ղեկավարի տեղակալ Կորյուն Մխիթարյանն է։

ArmLur.am-ի տեղեկությունների համաձայն՝ Դավիթաշենի թաղապետի տեղակալի վրա կրակելու պատճառը եղել է այն, որ երկու մեքենայի վարորդների չեն զիջել ճանապարհը միմյանց: Ինչից հետո սկսվել է լեզվակռիվ և արտասահմանյան ամենագնաց մեքենայից կրակոցներ են արձակել Դավիթաշեն վարչական շրջանի ղեկավարի տեղակալ Կորյուն Մխիթարյանի ուղղությամբ:

Քնար Մանուկյան